Восете удобно до канцеларија изутрина, после работа веднаш со целосна опрема на излет преку викенд - со ID.4 тоа не е проблем¹⁾. Со ID.4 Pro Performance имате батерија со 77 kWh нето енергетска содржина на батеријата и досег во пракса од 360-520 km¹⁾ како и максимална излезна моќност од 150 kW. ID.4 Pure и Pure Performance располагаат со батерија со 52 kWh нето енергетска содржина на батеријата. Максималниот досег (според WLTP) изнесува 345 km¹⁾.

Предноста на електричните возила: Полнењето е возможно скоро секаде. Дома полнете со наизменична струја (AC) на домашен приклучок или на опционалната ѕидна станица за полнење (charging wallbox). Многу јавни станици за полнење на бензински пумпи и автопати дополнително нудат брзо полнење со еднонасочна струја (DC). Тука можете да полните со еднонасочна струја до 125 kW во варијантата Pro.

Отсега, секое црвено светло на семафор е како нов старт, при кој ќе почувствувате целосно нов вид на задоволство при возењето. Електромоторот на ID.4 забрзува динамично и со целосен вртежен момент уште од почетокот. Со моделите базирани врз Pure Performance со 125 kW максимална излезна моќност, можете за само 9,0 секунди да достигнете од 0 до 100 km/h. Додека пак, со моделите базирани врз Pro Performance со 150 kW максимална излезна моќност, можете за само 8,5 секунди да достигнете од 0 до 100 km/h. Без менување степени, без задоцнување - едноставно тргнете и почувствувајте ја возбудата.

Колку е тивок електричниот автомобил, целосно зависи од возилото. За да се направи побезбеден градскиот сообраќај, вашиот ID.4 при брзина од 30 km/h се слуша потивко однатре, а малку појасно однадвор. На тој начин полесно може да го забележат пешаци. Футуристичката композиција го нагласува неговиот визионерски идентитет и истовремено служи како вештачки произведен шум на возилото, кој ги прави скоро бесшумните електрични возила звучно препознатливи за пешаци и лица на велосипед.

Во новото, целосно електрично ID.4, топлинска пумпа се грижи за енергетски ефикасно загревање на внатрешниот простор. Тоа значи дека е потребно помала количина на струја од батеријата за таа намена.

Дознајте повеќе

Урбано теренско возило со великодушен дизајнерски концепт и круг на вртење на мало возило: новиот ID.4 покажува колку привлечна може да биде електричната мобилност. Со совршени 18-инчни или опционални 19-инчни до 21-инчни тркала од лесна легура, кровни шини за дополнителен багаж, внатрешни рачки на вратите за подобрена аеродинамичност, опционални 3D LED задни светла со динамични показатели на насока и уште една сосема посебна карактеристика: опционалната светлосна лента помеѓу предните фарови, која се протега напред и назад до новооформеното лого на Volkswagen.

Внатрешноста на новото ID.4 е толку интелигентно и великодушно опремена, што вам и на вашето семејство ви нуди импресивно чувство за простор. Тоа ќе го забележите уште при влегувањето: многу простор за нозете, варијабилна централна конзола и удобни седишта, опционално со електрично прилагодување и мемориска функција. Исто така има и централен дисплеј на допир со големина до 30,5 cm (12 инчи), како и мултифункционален волан со контроли на допир. Амбиенталното осветлување во бои по ваш избор ги нагласуваат Lounge карактеристиките. Заедно во комбинација со опционалниот панорамски сончев покрив, можете да уживате во опуштено патување.

Дадете му на вашиот ID.4 повеќе карактер. Изберете од десетте сериски бои (опционално можни се 30 бои) и нежно осветлете го внатрешниот простор. Меѓу другото контролната табла, преградата за мобилен телефон и вратите. Ладни или топли нијанси на осветлување - изборот е во ваши раце.

Новиот ID.4 може да ве препознае. Штом му се приближите со вашиот клуч за возилото заедно со опционалниот систем за затворање и стартување без клуч "Keyless Access", автомобилот светнува со неговите опционални IQ.LIGHT - LED Matrix предни светла за да ве поздрави. Функциите "Leaving home" и "Coming home", со светлосна проекција ви го осветлуваат патот од вашиот дом до вашето возило и назад. Интерактивното внатрешно осветлување ID.Light ви посакува добредојде, кое со суптилен звук при стартување ве инспирира да тргнете веднаш. Потоа, кога повторно ќе го напуштите вашиот ID.4, вашиот ID.4 ве поздравува со светлосен сигнал и звук.

Новиот ID.4 преку пакетот за надворешност "Exterior Style" ви нуди многу простор за играње со боите на надворешноста, на пример разни комбинации со вашата омилена боја. Она што е посебно: Опционалниот металик лак по ваш избор се комбинира со црн покрив, сребрени кровни шини и C столб. Колоритен потпис, кој си игра со контрастот. Токму како и самото ID.4.

Со огромната стаклена површина, која ја достигнува скоро целата ширина на покривот, опционалниот панорамски сончев стаклен покрив веќе самостојно привлекува погледи. Уште поубаво: слободниот поглед кон небото. Покрај тоа има затемнето стакло за заштита од сончевите зраци и пријатна температура. Од силната сончева светлина штити и ролетната за сонце, која на пример можете многу удобно да ја ракувате со гласовна контрола. Изговорете "Hello ID, Show me the stars" и ролетната ќе се отвори.

Во новото ID.4 имате преглед на сè што е важно. Опционалниот Augmented reality Head-Up дисплеј проектира важни информации директно во видното поле на ветробранското стакло. Благодарение на Augmented Reality технологијата, ќе ја гледате навигацијата на коловозот токму на она место каде што мора да возите по должина или да завртите. До целта ќе стигнете поопуштено, без да го тргнете вашиот поглед од патот.

Со помош на ID.Light, вашиот ID.4 комуницира визуелно и заедно со навигацискиот систем помага да стигнете до целта поопуштено. Автомобилот ве поздравува и ви интерпретира напомени од инфо-забавниот систем и од системите за помош како светлосни сигнали, кои поопуштено ве водат низ сообраќајот. Доколку ја користите гласовната контрола, преку ID.Light ќе добиете повратна порака на вашиот глас. А кога го напуштате вашиот ID.4, ID.Light ќе ве испрати со поздрав - со светлосни сигнали.

Не дозволувајте повеќе да ви се одвлече вниманието на копчиња и прекинувачи. Задржете го погледот на патот и управувајте сосем едноставно преку интуитивната гласовна контрола, на пр. со радиото, навигацискиот систем или вашиот паметен телефон. Едноставно кажете "Hello ID." - и системот ќе ве разбере.

Благодарение на опционалниот "Keyless Access", ID.4 го препознава вашиот клуч за возилото во вашата чанта и се отклучува штом ја приближите вашата дланка до рачката на вратата. И благодарение на опционалниот "Easy Open & Close" систем, доволно е мало движење со стапалото под задниот дел на возилото и електричната задна врата од одделот за багаж ќе се отвори или затвори. Како што можете да забележите, многу нешта се поедноставуваат со иновативните технологии во вашиот ID.4.

Дали за вашето хоби е потребна обемна опрема? Дали треба деловно да транспортирате поголема количина товар? Тоа воопшто не е проблем за ID.4: Опционалната кука за влечење е дизајнирана за товар до 750 kg (без сопирачки) односно 1000 kg (со сопирачки)4). Доколку моментално не ви е потребна куката за влечење, можете да ја склопите со неколку рачни зафати под браникот, така што повеќе нема да биде видлива.