Новиот дизајн на Polo уште во основната верзија поставува нови стандарди. На прв поглед се истакнува линијата торнадо: впечатливата линија на дизајнот се провлекува од предните странични делови преку сериските четири врати и задниот дел околу Вашето ново Polo. На тој начин се создаваат јасни контури и се изразува прогресивната динамика.  Кон изгледот, покрај новите фарови напред и одзади, припаѓаат и LED светлото за дневно возење, LED осветлувањето на регистарската табличка и 14-инчните челични тркала со украсна маска за тркала.
Значаен плус во однос на комфорот Polo нуди во линијата на опрема "Comfortline" со своите 15-инчни тркала од лесен метал и декоративните облоги во Limestone металик сива боја за инструментната табла и облогата на вратата напред.
Доколку ја цените спортската надворешност кај едно возило, целосно ќе Ви се исплати Вашето Polo во линијата на опрема "Highline". Хромираната лајсна врамена во браникот и темноцрвените задни светла го истакнуваат спортско-елегантниот изглед и совршено се вклопуваат во дизајнот. Впечатливата целосна слика со стил ја заокружуваат 16-инчните фелни од лесен метал.